Plate. Dat, wat mien Kerl un mi passiert is, mütt ik erstmol verdaun! As wi an Mondagobend, kort vör Middernacht, vun Geburtsdag vun uns Schwägerin in Dörp noh Hus günn, käm vun Müggenburg ein Auto mit Karacho anjocht. Wibein sünd för Schreck bisied sprung, anners har hei uns umföhrt!
Wi stünn as anwörtelt dor,keiken uns um, un mien Kerl secht: ,,De hat jo gorkein Nummernschild an Auto!“ Stimmt, meiner ik! Dor mökt de Autoföhrer ein Vullbremsung, blieft so föftein Meter vun uns stohn, un fangt an uns to beschimppen, mit Wör, de ik nich utsprecken mach! Dat wärn Wör ut de unnerst Schuvlod, pfui Deibel! Ik dach, ik bün in falsch Film! Wör, de du bloß in ein schlecht Film tosehn krieg‘s mit Verbrecker! Mien Kerl secht: ,,Kumm, lot uns rasch noh Hus gohn, wer weit, wer dor noch mit in Auto sitt!“ Wi hem mokt, dat wi wech käm.Ik heff bloß noch ropen, mokt bloß dat ji wechkommt, anners rop ik de Polizei! Denn sünd sei afhaut. Ganz ehrlich, wi hem uns bedroht föhlt, un dat in uns lütt Dörp Plot/ Plate.Ik künn meißt de ganz Nacht nich schlopen, ik müsserümmer doran denken, watwär, wenn dor tom Bispöl ,,Jung Deerns stünn!“ Watharn dei mit jem mokt? Nich uttodenken! Ik heff bi de Polizei anropen, um dat to schillern, de hem dat ok för Ernst nohm!
PS: Dat Auto, ein Mercedes, wär niegel, nogel nei, wenndat man nich klaut wär! Ikhoff, dat ju sowat nich passiert. Denn mi mökt dat bang! Passt god up ju up!↔Annedore Woltersdorf
