Lüchow. Mien Mudder har ein grot Wunsch, einmol noch noh Kastelruth. Ji mütten weiten, mien Mudder is ein grot Fan vun de Kastelruther Spatzen. Er halv Leben verehrt se de Boygroup. Tja, un dorum sünd wi, mien Kerl un ick , losföhrt. Erst Station wär in Bayern bin Huberwirt in Linden. Dor käm mien Schwester un ehr Fruh ok dorto. Wat harn wi för ein schönen Obend dor. Wi hem buten seten un twee Musikerinnen hem Schrammelmusik mokt. An anner Dach sünd wi losföhrt öber de Alpen „Timmelsjoch“. Man, ick kann ju seggn „Whow“, dor mütten ji mol henföhrn! Ganz schmol Stroten ohn Gelänner, ein Kurv no anner, un denn kom di de Motorradföhrers entschegen orer överhohln di un di ward angst un bang. Dorto kom de Rennradföhrer, de sick sowat vun affstrampeln. Wi harn all ein wunnerschön Tied in Meransen. Dornoh wärn wi noch ein poor Dog in Wolkenstein midden mang de Dolomiten. Ein Utblick, nicht to beschrieben, dat mütt man sehn hem. Un endlich wärn wi in Kastelruth. Mama strohler, de erst Gang wär in dat Spatzenmuseum! Se hat uns alns wiest, denn dat wär er drütt Besök dor, se kenner sick dor ut. Wi nich. Se hat sick alns ganz genau ankeken. Un denn käm dat Gästebok, dor heff ick rinschreben :,,Adele Wahnschaft aus dem Wendland grüßt euch! Ich freue mich auf euch und euer Konzert am 24. Okt. in Hitzacker an der Elbe.“ Tja, den käm de Dag, Mama un ick also los no Hitzacker, Mama hat sick freit as Bolle. Se har ein wunnerschön Obend. No dat Konzert hat se noch mit de Sänger Norbert schnackt un wi hem Fotos mokt un se hat vun all de Spatzen ein Unnerschrift kreegn. Mama wär glücklich.
Yu Annedore Woltersdorf
