bv Lüchow. Nafolgend vertellt Gerd Schwerzel ut Otze en plattdüütsche Geschicht. „Af und tau, so in‘n Rhythmus von dre Johrn, is in de Press wat över „Pisa“ to läsen.
Bilang häv ik mi nich dorum kümmert. IK dach jümmmers, dat hät wat mit’n scheven Turm in Italien in de Toscana to doan. Mi keem dat allerdings sponisch för und dann häv ik mal gugelt. Un kiek an, dat hät dormit gornicks to doan. Düt Woord „PISA“ is een Kunstword un is ut de eersten Bookstoben vun düssen Satz bild. Programm für internationale Studend Assesmant. Wobi „Assesment“ soveel wie „Beurteilung“ heit. Dat is quasi „Das Bildungsbarometer“ vun de Schölers/Innen. In´n Afstand vun dree Johr weet de Schoolmester dann, ob de Kinners beter wurn sünd or nich. Ok in Vergliek toan Utland, kann man dann meeten.
Wü Dütschen schnied dor gor nich so good af. Allerwegens sünd vün uns Dütschen jümmers de Bayern best. Wiel dat so is, weet keen een. Ik häv mi dor mol orientiert. Dat Resultat is ganz eenfach, de Bayern hefft jümmers mehr Schoolmester/innen hatt. Dorto kummt, dat de Bayern mehr Fierdag hefft. Ik wull dann woll ok leber in Bayern arbeiden. Den bayerischen Ministerpräsindent licht de Bildung an‘n Harten. He hät nu dat Thema t‘n Chefsaak makt. IK glöv, he will in Tokunft ok wedder ganz baben stan.“ Wenn ok du, leevste Leserinnen un Lesers, en Geschicht vertellen wullt, schik dat geern an kiebitz@ejz.de.