De Queen Mary 2

Eine plattdeutsche Geschichte

lk Regional. De Queen Mary 2, dit grote Passagirshipp is 2003 in Frankrick för en inglesch Reederee boot worden. Se löppt mannich mol oh Hamborg an, un dat weer am Anfang en riesich Spektokel. Bit to 500 000 Minschen hebt darbi in Hoven un op de Dieken tokeken. In dis Tied wull ik to en Beerdigung von en tant no Hamborg. Mien Schwester, ut olle Land, see, bring beten Tied mit, de Queen Mary löppt ut, denn könnt wi us dat mol ankieken. Dat wull ik gern. No dat Begräffnis gev för de groot Verwantschop Kaffee un man hett mit mannigen snackt, de man lang nich sehn harr. Mien Schwester harr dat op Liev, wi mööt los, sünst ist dat Schipp weck. Doch, wohin, de Stänn mit de best Utsicht wern all vull. Wi fohrten poor Dörper wieder, kunn us Autos bi Frünn stohnloten. Denn övern Dieck, dorch en lütten Appelhof un wi weern an Elv. Doch an Kant lägen ganz veel Steen, de natt un glitschig weern, un en Heck von Ellern stünn dor ok. Wi funnen en Brett, harrn poor Wulldecken mit un kumm us dat beten kommodig moken. Denn keem en Containershipp, dat no Hamborg rin wull. Hebt wi us wunnert, dat so en riesich Kassen swemmen kann. Un all de Containers, wi hock de boodt weern un nich rünner fall‘n deen. Keener von us fief Lüüd hett de groot Well sehn, de utlöst dorch das Schipp, op us tokeem. Mitmol stünn wi bit to‘n Knee in Water, hällen uns an de Büsche fast.

Is als goot gohn, keener is in Water full‘n. Dat harr en bös Enn nehmen kunnt. Nu harrn wi natt Fööt un en natten Mors. Over dat weer ist jo Sommerdag. Dor heurten wi all dat Tuten, mit das de Queen Mary Hamborg Schüss seggen dä. Denn keem se in Sicht, dit gewaltige Schipp. Teemlich dicht fohr se an uns vörbi. Wi kunn de Lüüd an Reling seh´n un winken. Un natt Fööt gev dat ok nich, dat wer affloven Water. Us Platz blew dreng. Glück hat!↔↔Von Helga Schulz

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert