bv Lüchow. Nafolgend vertellt Gerd Schwerzel ut Otze, dat is bi Burgdorf, en plattdüütsche Geschicht. „De Geschicht is nu woll twee Johr hento. Erinnert hät mi doran dat Glasfaserdebakel bi de Lufthansa. Wü haan doarmols bi uns in Dörp up eene Straatensiet vun Celler Tor keen Strom. Wenn du so mit’n Auto dörch de Gemeen rauschst, markst du jo nix dorvon. Allerdings wenn du dann tanken wullst, dann ward dat komplezert. Un dat was dann ok. Up de rechte Sied, wo de Tankstä wör, doar gäv dat keen Strom. Dorför awer veele Autos. So an de tein Stück stünnen dor up‘n Hupen. An de Tanksül hüng een Zeddel mit de Opschrift: „Tanken nur gegen bar“ wegen Stromausfalls. Nu wüss ik, wörum doar so veele Autos stünn. De Lüüd han all keene Talers in eer Taschen. Watt för arme Deubels dach ik. Ik hev jümmers poor Schiens dorbi un künn tanken. Wat häv ik mi freit. Ik bün noch nie so neidfull ankäken wurn. Ik keum dornah allerdings int grübeln. Wenn der Strom nicht will – stehn alle Räder still, un wenn du keen Borgeld in diene Taschen häst, erst recht. Düssen Gedanken häv ik mi achter de Oarn schräven. Ohne Borgeld gah ik nich mehr ut‘n Huus.“
Wenn ok du, leevste Leserinnen un Lesers, en plattdüütsche Geschicht an düsse Steed vertellen wullt, schik dien Geschicht geern an kiebitz@ejz.de oder geev se ehr bi de Elbe-Jeetzel-Zeitung in Lüchow af. Velen Dank seggt de Redaktschoon vun Kiebitz.